ರಾಧೇ-ಶ್ಯಾಮ...

ನಾನಾದರೆ ರಾಧೇ ನೀ ನನ್ನ ಶ್ಯಾಮ

ನಿನ್ನಲ್ಲೇ ಲೀನಳಾದೆ, ನಾ ನಿನ್ನಲ್ಲೇ ತಲ್ಲಿನಳಾದೆ   

ಗೆಳೆಯಾ, ನಾನಾದರೆ ರಾಧೆ ನೀನೇ ನನ್ನ ಶ್ಯಾಮ !!

ಓ ಪ್ರೆಮಶಾಹಿ, ಕಣ್ಣಲ್ಲೇ ಕನಸ ಓಕುಳಿ ಎರಚಿರಲು,

ಮೂಡಿದೆ ಬಣ್ಣ ಬಣ್ಣದ ಪ್ರೀತಿಯ ಚಿತ್ತಾರ

ಸೋತಿರುವೆ ನಿನಗೆ, ನಿನ್ನ ಬಿಚ್ಚು ಮನಸ್ಸಿಗೆ, ಮುಗ್ಧ ನಗುವಿಗೆ...

ಪ್ರೀತಿ, ಪ್ರೇಮ, ಪ್ರಣಯ ಕಲಿಕೆಯಲ್ಲ

ನೀನು ಕಲಿಸಿ ಅದನಾನು ಕಲಿಯುವಂತಲ್ಲ,

ಅದೊಂದು ನಿರ್ಮಲ ನಿರ್ಲಿಪ್ತ ಭಾವ,

ಹರಿಯುವಾಗ ಪ್ರೀತಿಯ ಹೊನಲು; ಅಂತರಂಗದಲಿ ನಿಲ್ಲದು ಒಲುಮೆಯ ಗಾನ

ಪರಿ ಪರಿ ಕಾಡುವುದು, ಪರಿ ಪರಿ ಕೆಣಕುವುದು,

ಜೊತೆಗಿದ್ದಾಗ ನೀನೇ ನೀನು, ಇಲ್ಲದಿದ್ದಾಗ ನಿನ್ನದೇ ನೆನಪು,

ಪ್ರೀತಿಯ ರೀತಿ ನೀತಿ ನಾನರಿತಿಲ್ಲ, ಅದರ ಆಳ ಅಂತರಾಳ ತಿಳಿದಿಲ್ಲ

ಜೊತೆಗಿದ್ದರು ಸರಿ, ನೀ ಮರೆತು ಬಾರದಿದ್ದರೂ ಸರಿ,

ನಾನೇ ನಿನ್ನ ರಾಧೇ, ನೀನೇ ನನ್ನ ಶ್ಯಾಮ…